滾圓和做形後,滿手都是甘甜的蕃薯香,焗的時候更不消說了.可惜吝嗇之故.蛋水不夠,所以塗得一塌塌的.
越看越像那在呼呼大睡的狐狸...呼呼大睡的蕃薯...呼呼大睡的大蕃薯...
包包比平時實,因為蕃薯纖維的比例很高.包包有蕃薯香,吃完口裡也有蕃薯香,吃完一個包,像吃完一個蕃薯那麼飽.材料我是亂來的,希望大家改良後告訴我.
高筋麵粉 300g
糖 25g
鹽 3g
蕃薯蓉 180g
蛋 30g
水 30g
奶 40g
牛油 25g
直接法
要按蕃薯水份加手粉/水.我的麵團做出來濕度剛好.因為有蕃薯蓉,麵團不算濕,但有點黏手－－不是普通麵團的黏,而是像模到漿糊.
********
狐狸吃午飯時打電話給我:蕃薯包好吃!好香蕃薯味!
16 comments:
我都想學整比我大蕃薯老公食呀!!
我真的真的...覺得... 第2張相...好似.... 榴槤啊~~~~
Vanlily, HAhahahhHAH....笑死我了~~~
啊. 太好了. 有這食譜可循!!! 我一直都想整蕃薯包. 不過就係怕會好飽濟咁. (我贊同vanlily....真係好似!)
好想睇係個內餡 俾vanlily講完,又真係覺得好似榴槤肉喎
Aunite, 你可以跟這食譜試試,或者減少些蕃薯蓉和水份.這個包吃完齒頰留香,但過夜應會比較硬,要丁一丁.
呢個薯仔飽食一個都好飽呀.
好香好甜喎,多謝你
見你整包整得咁靚, 好羨慕. 等媽咪都去上堂學吓
好開心呀！見到你整的麵包，流晒口水，我都好喜歡整嘢食！都學過整麵包，但在家中未實踐過，見到你啲麵包咁靚！有啲衝動添！
你好啊! 第一次留言!! 我好中意睇你d包架! 你個蕃薯包搓得好靚... 我都試左但同你個差好遠啊 我屋企冇奶, 我試左用whipped cream, 有冇關係呢? 而且我搓極都搓唔出薄膜啊... 係咪個面團濕得滯呢? http://hk.myblog.yahoo.com/snn_1118/article?mid=348&prev=-1&next=346
豬氏部族, 千千千千千千千萬不要信超市的yeast,除非你想辛苦搓出的包包發不起.yeast最重要新鮮,那種儘管未過保質期,但質素差,又沒有真空包裝. 蕃薯包是比較難搓的,要自己調控水份.我不知你是不是新手,如是,可先試較簡單的 食譜 .我都是用這個食譜做鹹的有餡麵包. cream的油份是37-45%,你說可不可跟牛奶替代?!下次如沒有奶,寧遠用水也不要用cream代,或者用少少cream加水.
好多謝你的回复啊!! 我係超超超新手!! 我依家用2記買個d低糖干酵母, 但好似都唔係次次發得起... 都唔知點解... 下次等我試下你個食譜先... 好想學整包啊!!
謝謝你在我的blog留言, 係呀, 我張餐台之前未到, 今日我已經可以在玻璃台上搓包, 我想問下, 如果要撻包, 應該係咩材質既工作台上做呢, 我都係唔識撻啊. 係咪搓包要搓到有薄膜先可以擺起佢做第一次發酵呢?
豬氏, 當然是要光滑及穩固! 沒錯要搓到有薄膜.不過不是死扯就能扯出來.
想問下你係邊度學整包架呢?
Post a Comment